عن الدلع يا بنات ,,

**موج البحر** الإثنين أغسطس 08, 2011 10:19 am

راقَت لي هذه الرسالة فأحببت أن أشارككم بها .~

أترككم معها ,,

بدون مقدمات بدخل بالموضوع مباشرتن

اكبر غلطة ترتكبها البنت بحق نفسها

هي

الدلع

خصوصاً يوم كانت ببيت اهلها

واقصد بأنها ماتطب المطبخ ولاتعرف الا اسمه ..
كل شئ على امها او اختها او الخدااامه
واذا قالوا تعالي اطبخي

قالت

عندي اختبار

تعبانه

بنااام

مااعرف

ماهو وقته .

تماما هذي انا قبل اتزووووج

كانت اعظم مصيبه اذا امي قالت تعالي اطبخي
تقولون القياامه قاامت علي

وكانت اختي الكبيره عذر لي في كل شئ

يااكم وهقتها المسكينه

مرتن من المراير قالت لي امي روحي سوي قهوه ..

عصبّت وبغيت اقلب البيت فوق حدر

ويوم دخلت المطبخ
هع
هع
لقيت اختي المسكينه قاعده بالطاوله تآكل وتقرأ كتاب

هع
هع

قلت : فلانه امي تقول سوي قهوه ...

قالت : اوكي طيب

هههههههههههههههههههههههههههههههههه

مرّيت من عند امي بروح غرفتي

امي : تعالي وش قلت لك انا ؟
انا : يمه جيت بسوي وحلفت اختي تقول علي الملازيم
ماتسوين شئ
امي : ليه ؟
انا : تقول مستقبلك اهم شئ ...

خخخخخخخخخخخخخخخخخخخخخخخخخخخخخخ

ياحلوني حلوووواه

طبعاً هالقصه القصيره اللي فوق مجرد تمهيد لموضوعي الساخن
القادم للساحه وبقوووه ..هع هع

دلع الصبايا في بيت اهاليهم , هو سبب تعاستهم في بيت ازواجهم
واقصد بذلك الدلع اللي واصلن حده ماينهضم ..

خصوصاً اذا كانت السالفه تتعلق بالمطبخ ...

انا قبل زواجي بـ بضعة شهور
عانيت ضغوطات
كل وحده تمسكني تدخلني المطبخ وتعلمني على الطبخ

وكنت مضضاً اتعلم
والعلم يدخل معي اذني هاذي ويطلع مع الثانيه ...
ههههههههههههههههههههه

تزوجت ذالك الرجل الشمالي (الغريب)

طبعاً هو سمح لي شهرين مااطبخ
وانا سحبت عليه 6 شهووووور

تخيلوا

والله ماكنت اسوي الا قهوه وشاي وزززين اذا شربها كلها
ماغير يجامل قدااامي

واذا جيت عاد بتحمس للطبخ

اذرعّ اكمام ملابسي والبس بالطو الطبخ
وحااالتي حااله

بالاخير

يطلع اللي بطبخه

اندوووومي

هع هع

بعد هالفتره جات امي زيارة لبيتي , وشاافت الهواااايل
بغت تنتحر

اول شئ غرفتي روضة اطفال
على ان ماعندي اطفال
لكن استروووها هع هع

ثاني شئ

المطبخ ورشة حديد هع

جات امي فتحت دولايب المطبخ عل وعسى
تلقى كومة رز
مالقت يؤيؤيؤيؤيؤ

فتحت الفريزر
مالقت ولا قطعة لحم ولادجاج
يؤيؤيؤيؤيؤ

يابنت كيف عاايشه

قلت الله يعز مطعم ابو فلان ماقصروا
خخخخخخخخخخخخخ

وجلست امي فتره اسبوعين وسنّعت اموري
وضبّطت وضعي وسااافرت

بدأت انا بسوي فيها اني اعرف اطبخ

فتحت كتاب الطبخ

وااااو

طبخة الصياديه ( ارز الصياديه بالسمك )

(اوكي) هذا عشانا الليله
زوجي : وااااو شكلي بآكل اصابعي وراه
انا : احتمال تآكل الصحن بعد
>>ياشين الثقه اللي زايدتن عن حدها^_^

وكانت طريقة الصياديه بالمختصر
اني احرق البصل علشان تطلع مرقته غااامقه
ثم اصب عليها مويه واتركها شووويات
ثم اصفيها وارمي البصل واستعمل المرق ...

محاكيتكم وش سوّت

كان زوجي وقتها طالع برى للشغل وبيرجع

تحمست قمت للمطبخ
قطعت البصل وحمسته بالزيت لين صاااح بوجهي وقااال خلاااص ..

اخذت الماء ومباشرةً حطيته بالبصل وهو حااااار وفيه زيت

مادريت الا وانا عند باب الصاااله

يؤيؤيؤيؤيؤيؤ

دخاخين وبلاااوي الله لايوريكم
ماعاد اشووف المطبخ توقعت خلاااص البيت احتررق

ومن زود فلاحتي

ماسكة ابريق الماء وواقفه عند باب الصاله
واطالع بالمطبخ من بعيد ومبققه عيوني
>>ياشين الدفاااشه

ويوم وقفّت الدخانين وهدأ الجو

دخلت المطبخ وش تتوقعون شفت ...؟

ارضية المطبخ صابها عنقز

هع
هع

منقطة بأسود من آثار البصل المحترق المتناثر

حسيتوا بالكاارثه وحجمها ( اهئ اهئ )

قلت خلني اتدارك الموقف قبل يجي ابو الشباب ويشووف اولتها

رحت كنّست البصل والقدر حطيته بأقرب زباله
>>>ماهمها

فجأه

دخل ابو الشباب

يشوف البيت يحس فيه ضباب . وررريحة البصل
منتشررره

سألني

تتوقعون وش رديت عليه ...؟

؟؟

؟؟

؟؟؟

قلت : ابد سلامتك بس سمعت الدكتور عبدالباسط يقول
ان تبخير المنزل بالبصل المحترق يُبعد الباعوض مباشرةً ..

هع هع شفتوا الذكاء
اولاً لثقتي ان زوجي مقتنع بكلام الدكتور عبدالباسط
دخلت الدكتور بالسالفه
ثانياً كنا ذاك الاسبوع نعاني من انتشاار الباعوض
فأستغليت الموقف
خخخخخخخخخخخخخخخخخخخخ

تدرون وش رد علي :

يقول : اي والله الباعوض ذا ماخلانا نرقد بس تتوقعين ريحته تروح

قلت : ايه ايه عبدالباسط يقول ريحته تروح بسرعه

خخخخخخخخخخخخخخخخخخخخخخخخخخخخخ

طبعاً ذيك الليله سألني عن العشاء
قلت : في مقادير ناقصه تو دريت عنها ونسيت اقولك
قال : يوووه خلاص هاتي التلفون ادق ع المطعم
خخخخخخخخخخخخخخخخخخخخخخخ

موقف *بعد شهر طلب زوجي اني احرق بصل
لان الناموس عيا يرووح
خخخخخخخخخخخخخخخخخخخخخخخخخ
قلت له: عبدالباسط يقول لاتكثرون منه يسبب ربو
هع هع هع

الموقف الثاني

مرتن من المراير , رحت مع زوجي للسوبر ماركت
واشتريت برغل
مشكلتي اني ماقرأت المكتوب على الكيس
لاني اعتمدت فقط على شكل البرغل الخاارجي
وهذي مشكلتي واتعرض لها دايم

المهم رجعت البيت
وعزّمت اسوي سلطه
والبرغل لازم يتنقع بماء قبل تحطينه بالسلطه
طبعاً ماقد سويته بحياتي بس اختي دقت علي وقالت لي

المهم نقعته وضبطته وحطيته بالسلطه
وقعدنا نآكل انا وزوجي
اعترف لكم اني استغربت من الطعم

ماهو زي طعم سلطة اهلي ليه ؟
وكان غير مقبول لا طعماً ولا احساساً

رحت دقيت على اختي
قلت ياااربي ماعرفت اسويه

قالت قولي وش سويتي
وعلمتها

قالت ايه طريقتك صح ؟

قلت :: ياااربي طيب ليه طعمه مو حلوو
وليه ماتنقع زين ..

المهم قالت شوفي الكيس اخاف يكون منتهي والا شئ ...

اخذت الكيس وفُجعت

اهئ اهئ اهئ

اللي استعملته على انه برغل

طلع مو برغل

تدرون وش طلع

سميد

اهئ اهئ اهئ اهئ

***************

موقف آخر

مره دقت علي امي قالت : اسمعي يابنت
اخوك بكره مسافر ويبي يمر عليك ويسلم ويمشي
وتراني ارسلت معه اغراااض لك
وارسلت معه علبة (بزار كبسه) مخلط زين
وطعمه ونكهته حلووو وتراه من تخليط حرمه معروفه
وشوي وشوي عليه لاتبذرين ترااه غااالي

قلت : اوكي

جاء اخوي وجاب لي الاغراض من ضمنها علبة البزار

ولانها من عمل حرمه فالعلبه مو مكتوب عليها اي شئ

المهم ,, من قلة طبخي للكبسه نسيت البزار

ومرتن من المراير

جو عندي حريم وطبعاً بهار قهوة الحريم مو زي بهار الرجال
انا ابهر للرجال هيل فقط
يوم جو الحريم كانت اول زيارة
اذن فهي اول عمل لي من جيت بيتي
هي قهوة الحريم اللي تحتاج مخلطات قهوه ..

جيت سويت ذيك القهوه السنعه

وبهرتها بـ بزار الكبسه اهئ اهئ اهئ

والله يابنات ماكنت ادري انه بزار الكبسه
اهئ اهئ

طلعت القهوه صفرااااااااااااااااااااااااااااااء
وطعمها شييييييييييييييييييييييييين
وماتنطاااااااااااااااااااااااااااق
والحريم مااشربوها
اهئ اهئ اهئ اهئ ....

بعد فترررره استوعبت اني مبهرتها ببزار الكبسه

ودقيت على امي قلت لها
تدرون وش قالت :

قالت

قالت

لعنبو ذا القلب المنطبع .. كمخه انتي منتي وجه مطاااابخ

*********

موقف آخر

مرتن من المرات نويت اسوي حلى قهوه
دقيت على بنت خالتي قلت ارسلي لي الحلى
اللي جبتيه مرره يوم كنا بالبيت الفلاني

المهم
بعد لحظاات وصلني مسج
فيه طريقة الحلى ...

ومن ضمن المقاادير مكتوب

فنجان شاهي حليب بودره .....

رحت انا وش سويت

اخذت فنجان
وحطيت ورق شاهي
ثم فنجان ثاني
وحطيت حليب نيدو
هع هع هع هع هع هع هع

في احد يحط ورق شاهي بالحلى ؟

مين لقاها هذي ؟

لاتسمعني منال العالم ثم تعتزل عاالم الطبخ ...؟

والله الحلى يضحك ماينبلع خخخخخخخخخخخخخخخ

ويوم دقيت عليها
قلت لها : الحلى حلو .. بس احس ورق الشاهي عيّت تدخل مخي
لانها مخربه طعم الحلى وبعدين ياابس الورق
تتوقعين لازم اذوبه بحليب والا اخليه كذا

بنت خالتي :
يابنت من جدك حاطه ورق شاااهي

وبعد مناااوشات

دقت امي منفجعه

انتي منتي وجه مطااابخ لابوتس لابو من اشترى لتس كتاب طبخ
بـ 200 ريال

وآخسااااارتي خساااارتاااااه

****

والمواااقف اكثررر ... بس راح اخليها مستوره
علشان ماتنجللطوووون

ومجمل الحديث ومخلص الكلام

ولا وحده تتزوج اذا هي مو فاهمه بالطبخ
هع هع

واتركوا عنكم الدلع وتعلموا تطبخون
وتعلموا السنع
>>علمي نفستس بالاول

ودلع البنت ببيت اهلها يسبب دمارها في بيت زوجها

طبعاً انا مااربط السعاده الزوجيه بالمطبخ

لكن المطبخ فرع من فروع استمرارية الحياة الزوجيه بهدووء
مو اي زوج يطيق المطاعم
ومو اي زوج يرضيه اكل معين ...

فـ علشان ماتطيحون بنفس حفرتي

تعلموا الطبخ قبل الزواج

واتركووووا الدلع

والاغلبيه يستحقرون جانب الطبخ
مايدرون انه مكمل .....

يلا أشوف تطبيق للنصيحة

موْج

**Nara** الإثنين أغسطس 08, 2011 11:06 am

هههههههههههههههههههههههـ

ربي يسعدك ..~ انتِ وموضوعك ..~

ونصيحهـ يابنات .. خلي عنكم الدلع ..~
لان مضارهـ أكتر من فوئدهـ

//

ماننحرم منك ..~
تحياتي ..~

هههههههههههههههههههههههههههههه

يسلموو عالموضووع الرأآأآئع ..

تقبــلي مرووري ..

**D.E** الأربعاء أغسطس 10, 2011 4:14 am

ههههههههههههههههه
صراحة البنت خطيرة
بعدين رح تحط دوا بالاكل عبالا ملونات طعام
...............................
شكرا على الموضوع الحلو والخفيف
وتقبلي مروري

**موج البحر** الخميس أغسطس 11, 2011 6:14 am

Nara

^^ حكـايهـ احسـ ~ ـاس ^^

D.E

شكرا على مروركم

موْج

**راهية الحس** الجمعة أغسطس 12, 2011 9:46 am

ههههههههههههههههههههههههااااااي
يسلمو عـ الموضوع الرؤؤعه
تقبلي مروري

عن الدلع يا بنات ,,

عن الدلع يا بنات ,,

رد: عن الدلع يا بنات ,,

رد: عن الدلع يا بنات ,,

رد: عن الدلع يا بنات ,,

رد: عن الدلع يا بنات ,,

رد: عن الدلع يا بنات ,,